الى اعضاء المنتدى الصحى

السلام عليكم ورحمة الله وبركاته

صحبة الخير والجنة ان شاء الله

ازيكم جميعا اسفة جدا انى اتأخرت فى الرد على معاد الإجتماع

ولكن اعذرونى شوية مشاغل

اخش ف الموضوع

احنا دلوقتى محتاجين نحدد معاد للإجتماع تمام

اولا معايا هيكون مناسب السبت او الحد

بحيث يكون الحد الأقصى لإنتهاء الإجتماع 6.30 او 7:00 بالكتير تمام

فشوف اليوم الأنسب بالنسبة لكم وحطوا تصور للوقت كمان

بس الإلتزام ياجماعة مهم جدا يعنى لو قلنا 5 الناس كلها تكون موجوده 5 مش 5.30 ولا 6 انا مجربة الحاجات دى

ارجوكم انتم عارفي ظروفى

الحاجة التانية ياريت تحطولى تصور برضه محتاجين ايه فى الإجتماع

عاوزين تعرفوا ايه بالظبط عشان اكون جاية جاهزة مش نضيع وقت بإذن الله

وياريت حد فيكم يكون مسئول عن تبليغ الناس كلها بالموعد او مشوها فى شكل سلسلة

يعنى مثلا رضوى تبلغ بوسى وبوسى تبلغ ايمان وهكذا تمام

واوعوا تنسوا آلاء ودعاء

تمام هستنى ردكم بكره ان شاء الله

عشان اكون فى الشركة لان النت عندى ف البيت عطلان ومش عارفة هيشتغل امتى

تمام

والسلام عليكم

كتر خيرك يا هاجر
ربنا يكرمك
بس يا ريت تنقلى الموضوع بتاعك ده فى الموضوع اللى كانت رضوى كاتباه بخصوص التقرير بتاع الاجتماع وكده
ويكون الموضوع ده متخصص لأى حاجه تتعلق بالمنتديات الصحيه
يا ريت تنسخيه بس وتنقليه هناك
عشان بس لو حد دخل على المنتدى يعرف يوصل بسهوله لآخر الاخبار

السلام عليكم ورحمة الله وبركاته

للأسف مش هينفع معايا لا يوم السبت ولا الأحد لو ينفع آخر الأسبوع يبقى كويس قوي

لو مينفعش معاكوا ممكن تحددوا الميعاد اللي مناسب ليكوا وانا هبلغ باقي الناس باذن الله ود/رضوى عادل تبقى تنزل تقرير بيه علشان نعرف وصلتوا لحد فين

واللي عاوزينه من الاجتماع ده

اولا :نتكلم تاني ولو بشكل سريع عن فكرة وهدف المنتديات الصحية مع احضار اي شغل من المنتدى القديم علشان نفهم بالظبط شغل المنتدى بيبقى ازاي (الكلام ليكي طبعا يا هاجر ربنا يجازيكي كل خير )

ثانيا : تقسيم الأعضاء في فرق الدعم النفسي والبحث العلمي وابداع كل واحد واختياره

ثالتا : معرفة امكانية عمل دورات تدريبيه للأعضاء قبل البدء في رسالة (يا ريت ياهاجر لو تقدري ) مع العلم بوجود خيار تاني اني سألت ناس في صناع وفهمت منهم انهم ممكن يوفرولنا ده بس متهيألي انهم ممكن يتأخروا شويه فلو ينفع معاكي أكيد هيبقى أحسن

مع التأكيد على كل حد نكلمه علشان يحضر الاجتماع انه يجيب معاه اعضاء جدد عاوزين نبدأ بداية قوية

ولو حد عنده اي افكار تانيه ياريت يفيدنا

لا طبعا ازاى نعمل الإجتماع من غيرك يارضوى مينفعش طبعا

لا ان شاء الله هنستناكى بس حددى اخر الأسبوع يعنى يوم ايه بالظبط

وياريت لو فى اكتر من يوم عشان لو واحد مش مناسب لى ولا حاجة

تمام كده

ربنا يعزك يا هاجر

ممكن التلات او الاربعاء او الخميس خمسه ونص اختاروا اللي يناسبكوا

السلام عليكم ورحمة الله وبركاته

اييه ياجماعة انتوا فين هوا مفيش غير رضوى ولا اييييييييييييييه

اممممم بداية غير مشجعة بالمرة

عموما ممكن الإجتماع يكون يوم الأربع او الخميس بس يعنى محتاجبن الناس معانا تقول رأيها ولا ايه

انا ورضوى بس اللى هنتجتمع اامممممممممممممممممممم

شكلها كده

يوم الخميس مش مناسب لى خالص يا جماعه
اذا عملتوا يوم الخميس تأكدوا انى مش هعرف اجى
لكن الاربعاء اوك تمام ان شاء الله ابقى معاكم

السلام عليكم ورحمة الله وبركاته

جميييل جدا

اول الغيث قط...هههه رد بوسى

طيب ياجماعة دلوقتى دا اول صوت ليوم الأربع احنا محتاجين نجمع اصوات لليومين واليوم اللى هياخد اكتر صوت دا اللى هيكون فيه الإجتماع ان شاء الله اوك على ان يكون اخر يوم هوا بكره ان شاء الله الساعة 3 عشان نلحق نرتب نفسنا ونبلغ الناس تمام كده وعلى الأنسات بوسى ورضوى قطب انا يتفضلن لطفا بإبلاغ باقى المجموعة

وشكرا جزيلا

السلام عليكم ورحمة الله وبركاته

تمام ميعاد يوم الاربع حددوا بس الوقت بالظبط وانا هدخل بكرة اشوفكوا استقريتوا على ايه علشان نبلغ الناس

ياريت الاربعاء الساعه 6.30

صباحُ الخير

كيف حالكم يا شُباب؟

وش أخباركم ؟

معلش بقى انا مش عارف انتوا بتتكلموا على ايه بالظبط
بس كويس إنه إجتماع وكمان ليه علاقة بالصحة
لانها اليومين دول فى النازل

ماشى

يوم الاربع كويس

انا موافق

انا واخد اجازة تلات واربع

ويارب احضر معاكوا

فى انتظار البيرميشن
وانا هسستم نفسى على
الاربعاء ستة ونث زى ما بوسى
بتقول

؟؟؟

السلام عليكم ورحمة الله وبركاته

ياجماعة واضح انكم مفمتوش موضوعى من الأول انا بقول ان الوقت الأقصى لإنتهاء الإجتماع هو 6.30 او 7

مش بداية الإجتماع تكون 6.30 لا الوقت دا مينفعش معايا خالص فى اى يوم من الأيام

يعنى ممكن من 5 كده بعد 6 مينفعش خالص

ان شاء الله بكره لو ملقيتش تأكيد من رضوى قطب على علم الناس بالمعاد والموافقة هعرف انه اتلغى اوك عشان نسيب فرصة للكل يفكر ف المعاد واليوم تمام كده

مفيش مشكله انا كمان مناسبنى الاربع فى اى معاد
ممكن خمسه زى ما انت عايزه يا هاجر
كان نفسى نحدد المعاد بدرى شويه عشان نلحق نبلغ ناس كتيره
يلا بسرعه قولوا المعاد اللى يناسبكم لسه ممكن نلحق

خلاص يا جوجو عشان خاطر عيونك هضغط على نفسي وان شاء الله اجى على 5 يلا بقى ايه رأى الشباب عشان نعلن لبقيت المتطوعين ؟؟؟؟؟؟؟؟؟

تسلمى ياقمر

اوكى

وت إيفر

مش هتفرق

it`s all the same

بيفور او أفتر أو بيتوين

هحاول اجى ان شاء الله

المهم انه ما يتعداش يوم الاربع

وياترى هيكون فين ؟
فى رسالة
؟؟

السلام عليكم ورحمة الله وبركاته

اجتماع المنتدى الصحي هيكون في رسالة في الصيدلية بكرة الاربعاء الساعة خمسة ونص

ان شاء الله هبلغ كل الناس النهاردة ياريت كل اللي يعرف الميعاد وجاي او مش جاي يكتب رد

علشان اكلم الباقي وجزاكم الله خيرا جميعا

معاكم ان شاء الله
الله المستعان

بإذن الله معاكم

معاكم ان شاء الله

وكمان حسام الهلالى ان شاء الله مش ممانع يحضر

ان شاء الله معاكم بس هاجى على 5.45 على ماتكون كل الناس وصلت ان شاء الله

السلام عليكم ورحمة الله وبركاته

اولا سعيدة جدا باجتماع النهاردة كان اجتماع حاضره ثمانية أفراد من منتدانا العزيز ومنهم ناس أول مرة نقابلهم

ثانيا هستأذنكوا نخلي الموضوع ده للاتفاق على مواعيد الاجتماعات الخاصة بالمنتدى الصحي ووضع أي اقتراحات ومناقشات

والموضوع الموجود بمشاريع الخير هيبقى فيه نتايج الاجتماعات وتقاريرها ونتايج الشغل وتقاريره بإذن الله علشان يبقى مركز من غير رغي كتير لأي عضو جديد حب ينضم لينا

وجزاكم الله خيرا جميعا

تحبوا الموضوع يتنقل فى مشاريع الخير ولا يفضل هنا
انا من رأيي انه ينتقل لمشاريع الخير ويبقى بردوا خاص بالمواعيد
ايه رأيكم يا شباب
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

مفيش مانع هنا او هناك كويس وعموما هناك كويس بردو باذن الله

وجزاكم الله خيرا اجتماع كان موفق وباذن الله الى الامام يا شباب الخير

» مستنينكم فى نادى اعضاء هيئة التدريس
» المنتدى الصحى ومحاوله لايقاظ فكره من سباتها---------------------
» لمحه لكل اعضاء المنتدى (هام جدا)
» ماهو الوزن الصحى ؟
» فكره تطوير الزيارات عاوزين اراء اعضاء زيارة بلقاس كل واحد يكتب مقترحاته وورق المقترحات بنجمعه في الصيدليه في مقر الجمعية