هـــــــــــــــــــــام وعــــــــــــــــــاجل

زائر

احب دائما وابدا ابدأ كلامى بسلامى
السلام عليكم ورحمة الله وبركاته
النهارده جايه ليكم بخبر هام وعاجل
ان شاء الله زيارة جديدة لمركز الاورام يوم الخميس ان شاء الله
الساعه 12 بالتمام والكمال
التجمع قدام المركز
وان شاء الله الزيارة هتبقى للكبار
وهيتم فيها ان شاء الله توزيع عسل على المرضي
والحاضر يعلم الغايب
منتظرنكم يا شباب الخير لعمل الخيررررررررررررر
اوعوا يفتكم
وفى نهايه الكلام مفيش احسن من السلام
السلام عليكم ورحمة الله وبركاته

زائر

مبروووك وان شاء الله نتمنى نكون معاكم

ولو ينفع نعمل اعلان عندنا للانشطه هنا ونظبط سوا

زائر

:) :) :)
جزاكم الله خير الجزاء
ماقدرش أقولكم
زيارة الأورام قريبة من قلبي
قد إيه
ونفسي
نزور مرة مع بعض
مستشفى 57357
ومستشفى أبو الريش
ومعهد الأورام
علشان نشوف
قدر الإهتمام
وإتقان العمل
مع الأطفال هناك
ونقارنه
بمستوى الخدمة هنا
ونحاول
نغير في المكان هنا
بكل الطرق
أمال
فين متعة العطاء
بجانب المساندة المباشرة
مننا كشباب
لأن أطفالنا
بجد
بجد
لازم
يكونوا في عينينا
وبإذنه تعالى
هحاول
أعود تاني
للزيارة
لأغسل قلبي
بإسعاد البراءة
:)
وأحمد الله
على ماأتاني
من نعمة الصحة
ولو ما جيتش
هدل غيري على الخير
والدال على الخير كفاعله
أحبكم الله
صاحبة رسالة

زائر

بالله عليكى يا بوسى تخلوها الساعه واحده او واحده ونص علشان الغياب فى مستشفى الطلبه بالبصمه الالكترونيه ومش معقول هقطع صباعى واديه لواحد صاحبى ياخدلى غيابى

وكمان اللى بيمتحن يكون خلص وطلع

واللى مخلص وفاضى يصحى براحته

زائر

للاسف يوم الخميس هخلص شغلي الساعه اتنين

اول ما اخلص هجيلكوا على طول ان شاء الله

ولو الزياره اتاخرت شويه زي ما د/محمود طلب يبقى اكيد احسن

زائر

ربنا معاكوا وربنا يتقبل منكوا باذن الله

ولو فى اى شىء اقدر اخدم فيه تحت امركوا باذن الله

وجزاكم الله خيرا جميعا

يفضل الزياره تبقى 1 بالظبط علشان هتبدا فعاليا واحده وتلت تقريبا وبكده الكل يقدر يحضرها باذن الله
وطبعا القرار هنا مع مسئول الزياره بوسى وعبير ابو النجا

وياريت تجهزو مين يجيب العسل ومين هيودى ومين هيستقبل العسل بردو هناك

وياريت تخلوا بالكوا ضرورى فييييييين التصريح

ياريت بوسى او عبير ابو النجا تجيب التصريح من هناك وانا هجهزه عللشان الى يروح ياخده من هناك باذن الله

وجزاكم الله خيرا جميعا

زائر

ازيكم يا شباب الخير؟؟؟؟؟؟

وعشان خاطركم كلكم
المعاد هنعمله على 2 ان شاء الله
مش تتاخر يا رودى واللى عنده امتحان يخلص برحته ومستنينه
يلا يا شباب الخير لعمل الخير

زائر

تم تاجيل الزياره لاجل غير مسمى

زائر

نأسف منتدانا العزيز
تم تأجيل الزيارة للاسبوع البعد القادم ان شاء الله
والسبب ان المتطوعين مشغولين فى الامتحنات
وفى بعض المتطوعين مشغولين ولذلك اجلنا الزيارة للاسبوع اللى بعد القادم ان شاء الله وهيتم الاعلان عنها بإذن بعد التحضير
وجزاكم الله خيرا جميعا

زائر

اكيد خير

وتبقى الزياره جامده جدا الاسبوع بعد القادم باذن الله